«Юность» стадион кулун тутар 20 күнүгэр национальнай ыстаныыларга Саха сирин чемпионатын ыытыаҕа. Манна эр дьон, дьахталлар, бэтэрээннэр кыттыыны ылыахтара. Күрэхтэһии киирсиилээх буолара күүтүллэр уонна Манчаары оонньуулара ыытыллар сылыгар күүстээхтэри быһаарыаҕа, СИА суруйар.
Пандемиянан сибээстээн ыстаныыга Саха сирин чемпионата Манчаары оонньууларыгар сүүмэрдээһин быһыытынан ыытыллыбат. Путевкалар иһин киирсии суох.
Күрэхтэһии бырагырааматын дьахталлар уоннна бэтэрээннэр саҕалыахтара, эбиэт кэннэ ыстаныы көбүөрүгэр эр дьон тахсыаҕа. Кыаыйыылаахтары кылыыга, ыстаҥаҕа, куобахха уонна үс төгүл үскэ быһаарыахтара.
Санитарнай-эпидемиологическай ирдэбил быраабылалара тутуһуллаллар, коронавируска «отрицательнай» көрдөрүүлээхтэр кытталлар.
