Үөһээ Бүлүүгэ спорт национальнай көрүҥнэригэр спартакиада уота от ыйын 9 күнүгэр умулунна, ХХ-с Манчаары Оонньуулара историяҕа хааллылар.
Түөрт күн устата барбыт күрэхтэһиилэргэ 155 мэтээл комплега оонньонно. Куоталаһыы кэмигэр өрөспүүбүлүкэ тоҕус, Оонньуулар икки рекортара тупсарылынна.
Үөһээ Бүлүү улууһун баһылыга Владимир Поскачин Оонньуулар былаахтарын XXI-с Оонньуулар хаһаайыттарыгар — баһылык Никита Андреев салайааччылаах Горнай улууһун делегациятыгар туттарда. ХХI Оонньуулары 2021 сылга Горнайга ыытыахтара.
XX-с Манчаары Оонньууларын хамаанданан миэстэлэрэ:
1-кы бөлөх
1 миэстэ. Дьокуускай куорат. 23 очко;
2 миэстэ. Ньурба улууһа. 91 очко;
3 миэстэ. Нерюнгри. 108 очко.
2-с бөлөх
1 миэстэ. Үөһээ Бүлүү улууһун бастакы хамаандата. 23 очко;
2 миэстэ. Чурапчы улууһа. 31 очко;
3 миэстэ. Мэҥэ Хаҥалас улууһа. 45,5 очко.
3-с бөлөх
1 миэстэ. Кэбээйи улууһа. 93 очко;
2 миэстэ. Томпо улууһа. 95 очко;
3 миэстэ. Дьааҥы улууһа. 116 очко.
4-с бөлөх
1 миэстэ. Өлөөн улууһа. 124 очко;
2 миэстэ. Эдьигээн улууһа. 125 очко;
3 миэстэ. Муома улууһа. 138 очко.
