29 Кулун тутар 29.03
  • -13°
  • $ 92,26
  • 99,71

"Махтал эмчиккэ" аахсыйаҕа Дьааҥы оройуона кыттыста

Читайте нас на
Яндекс Новости
ЯДВ

Бүтүн Арассыыйа үрдүнэн ыытылла турар «Махтал эмчиккэ» аахсыйаҕа Дьааҥы оройуона кыттыста.


Дьааҥытааҕы «Биир ньыгыл Арассыыйа» партиятын бэрэстэбиитэллэрин уонна волонтердарын аатыттан коронавирус дьаҥыттан дьону быыhыыр үлэҕэ сылдьар эмчиттэргэ анаан, истиҥ махтал тыллаах, 20 бородуукта нобуорун оройуон киин балыыhатын кылаабынай бырааhыгар Владимир Иннокентьевич Докторовка туттардылар.

Оройуоҥҥа дьаҥ тарҕаныытын билиҥҥи туруга чэпчэкитэ суох. Эмчиттэр хас биирдии ыарыыга сутуллааччыны өрүhүйэр туhуттан улахан эппиэтинэhи сүгэн, түүннэри-күннэри, сынньалаҥа суох үлэ үөhүгэр сылдьаллар. Ис сүрэхтэн бэлэмнэммит бородукта нобуорун быыс, түгэн кэмигэр эмчиттэр тутуохтара.

Саха сирин волонтердарын уопсастыбата Дьааҥы волонтердарын кытта бииргэ үлэлиир, көмөлөhөр. Дьааҥытааҕы «Биир ньыгыл Арассыыйа» партиятын исполкома волонтердар ыытар үлэлэрин өйүүр. Уонна, бу ыарахан кэмҥэ үлэлии сылдьар бары эмчиттэргэ улуус бары нэhилиэнньэтин аатыттан махталын тиэрдэр.

Маны кытта, «Махтал эмчиттэргэ» аахсыйа тэрээhинин бэлэхтэрин уурбаанньыт Игорь Владимирович Постников Дьокуускайтан дьаhайан ыыппытыгар партия исполкома махталын этэр.

Следите за самым важным и интересным в Telegram-канале и WhatsApp-группе ЯСИА