Маай бырааһынньыктарын икки ардыгар түбэһэр күннэр өрөбүлүнэн ааҕыллыахтарын сөбүн туһунан сонун СМИ-гэ таҕыста. Ити эрээри былаас оннук быһаарыы ыла илик, суруйар «Известия».
«Бигэргэтэр кыаҕым суох, биһиги ити кэмҥэ үлэҕэ былааннаахпыт. Сынньалаҥнар буолалларыгар аналлаах туох эрэ бэлэмнэнэрэ былааҥҥа суох. Мин бигэргэтэр да, утарар да кыаҕым суох», — диэтэ Россия президиэнин пресс-сэкирэтээрэ Дмитрий Песков пресс-кэмпириэнсийэҕэ.
Кулун тутар бүтэһигэр ыам ыйыгар 19 эрэ күн үлэлиир туһунан этиллибитэ, онтон атына — өрөбүллэр эбэтэр бырааһынньык күннэр.
2021 сылга Саас бырааһынньыга, 1 маай, Кыайыы күнэ өрөбүл күннэргэ түбэһэллэр. Олор үлэ күнүгэр өрөбүл быһыытынан көһөрүллэллэр. Онон ый бастакы нэдиэлэлэрэ 4 үлэ күннээх буолуохтара.
Россия олохтоохторо ыам ыйын 1 — 3, 8 — 10 күннэригэр сынньаныахтара. Ыам ыйыгар барыта, бырааһынньыктары киллэрэн туран, 12 өрөбүл күн баар.
Источник: iz.ru
