29 Кулун тутар 29.03
  • -13°
  • $ 92,26
  • 99,71

Мүрү нэһилиэгэр уус кыһата арылынна

17:08, 30 ноября 2018
Текст:
Читайте нас на
Яндекс Новости
ЯДВ

Мүрү нэһилиэгэр Уус Алдан улууһун маастардарын уус-уран үлэлэрин, сатабылларын киэҥ эйгэҕэ таһаарар, үтүө үгэстэрин дьоҥҥо-сэргэҕэ тарҕатар сыаллаах “Мындыр” уус кыһата арылынна. Сэтинньи 27 күнүгэр СӨ культураҕа министерствотын иһинэн үлэлиир “Симэх” национальнай искусство киинин директора А.Н.Гоголев уонна улуус дьаһалтатын баһылыга А.В.Федотов хардарыта сөбүлэҥ түһэрсэн, аалай лиэнтэни үөрүүлээх түгэҥҥэ быстылар.


Уус Алдан улууһун Мүрү нэһилиэгэр “Мындыр” уус кыһатын арыйыы үөрүүлээх тэрээһинигэр баһылык Алексей Федотов тыл эттэ. Кини бу дьиэ суолтатын маннык бэлиэтээтэ: «Уус кыһатыгар киирбит киһи тута баай культурабытын көрдөрөр талба талааннаахтарбыт үлэлэрин көрүөҕэ-истиэҕэ. Сүрүнэ – ыччаппытыгар норуоппут кутун-сүрүн, үгэһин иҥэрэргэ биир басыҥ дьиэбитинэн буолуоҕа”.

“Мындыр” уус кыһатын дьиэтигэр улууспут маастардарын бастыҥ иистэрин, оҥоһуктарын көрдөрөр быыстапка саалата баар. Кинилэр үлэлэрин атыыга таһаарарга маҕаһыын тэрилиннэ. 2010 сылтан тэриллэн, аан-дойдуга тиийэ кэрэхсэммит Екатерина Бочкарева салайааччылаах “Мүрү оһуора” түмсүү уонна СӨ норуотун маастара Мария Атласова үлэлииллэригэр хос арылынна.

“Мындыр” дьиэтин кытта ситимнэһэн, Бэрт ууһун нэһилиэгэр быһах оҥорооччуларга, Бээрийэҕэ туосчуттарга аналлааах филиаллар үлэлиэхтэрэ. Маннык хас нэһилиэк аайы баар буоларын ситиһиэхтэрэ.

Мария Семеновна Атласова: “Иискэ-ууска умсугуйааччылар туспа дьиэлэммиппит бары өттүнэн табыгастаах, үөрүүлээх. Түмсүү үлэлэтэн эдэр ийэлэри, чуолаан, элбэх оҕолоохтору иискэ уһуйар баҕа санаалаахпын. Төрүт үгэспитин сөргүтэн биир бастакынан, ойо быһан тигэри үөрэтиэм. Дьиэбит маҕаһыыннаах буолбута ордук үөрдэр, билиҥҥи кэмҥэ бэлэххэ-туһахха дьон илиинэн оҥоһугу биһирээн ылар буолла. Күн бүгүн үлэбин атыылаһаннар үөрүүм үрдээтэ. Инникитин манна араас маастар кылаастар, семинардар ыытыллыахтара”.

Ааптар: Мария АРГУНОВА.

Следите за самым важным и интересным в Telegram-канале и WhatsApp-группе ЯСИА