Россия уонна Казахстан тустууга, Азия чемпиона, аан дойду чемпионатын призера Леонид Спиридонов РФ көҥүл тустууга чемпионатын иккис күнүн кэнниттэн СИА-ҕа комментарий биэрэригэр Виктор Лебедевы өйүүрүн биллэрдэ. Исмаил Мусукаевы кытта киирсиитигэр саха спортсмена сөпкө кынна диир кини.


«Бу Олимпиада иннинээҕи чемпионат. Хас биирдии спортсмен түөрт сылы быһа бэлэмнэннэ, онон кинилэри өйдүөххэ сөп. Ол иһин сорохтор эмоцияларын кыайан туттумматылар. Мусукаев киирсии бүтэһигэр бэйэтин спортмена суох быһыытын-майгытын көрдөрдө. Маннык түбэлтэлэр урут да тахсыталааччылар, охсуһуута суох түмүктэммитэ үөрүүлээх. Виктор Лебедев барытын сөпкө кынна уонна бэйэтин киирсиитин тактикатын сөпкө суоттаан туруорда. Мусукаев уонна Лебедев былырыын Махачкалаҕа чемпионат финалыгар көрсүбүттэрэ. Онон кинилэр уруккуттан киирсэр дьон буолаллар», — диэтэ Леонид Спиридонов.

0
0
comments powered by HyperComments