Бүгүн, Ленинград фашист блокаадатыттан толору босхоломмут күнүгэр үлэ уонна социальнай харалта миниистирэ Елена Волкова Ленинград көмүскэлин соҕотох кыттыылааҕын, Аҕа дойду Улуу сэриитин бэтэрээнин Любовь Николаевна Калабинаны өрөспүүбүлүкэ салалтатын аатыттан эҕэрдэлээтэ.
Любовь Калабина ПВО зенитнай дивизионугар разведчигынан сулууспалабыт. Кини 1945 сыл от ыйыгар демобилизацияламмыт. Сэрии кэннэ төрөөбүт Томпо улууһугар төннөн, үөрэх эйгэтигэр, пуочта салаатыгар уопсайа 30 тахса сыл үлэлээбит.
Тохсунньу 27 күнэ — Арассыыйаҕа «Байыаннай килбиэн күнэ». 872 хонуктаах Ленинград блокаадата толору уһуллубут күнэ. Саха сиригэр уопсайа 25 блокаада туоһута олорор.
