Российскай Федерация саҥа Конституцията дьиэ кэргэн уонна ыал буолуу института бөҕөргүүрүгэр туһуланар, диир Уопсастыбаннай палаата социальнай бэлиитикэҕэ хамыыһыйатын бэрэссэдээтэлэ Лена Ефремова.
«Биһиги дьиэ кэргэн уонна ыал институттарын, духуобунай-нравственнай сыаннастарын бөҕөргөтүү, оҕо саас кэмин сүрүн сыаннас уонна киэн туттуу быһыытынан билинии идеяларын өйүүбүт», — СИА-ҕа уопсастыбаннас бэрэстэбиитэлэ Лена Ефремова эттэ.
Кини бэлиэтээбитинэн, саҥа Конституцияҕа ыал института бигэргэнэр, оҕо — Россия судаарыстыбаннай бэлиитикэтигэр инники күөҥҥэ тутуллара көстөр.
«Сүрүн сокуоҥҥа, урукку өттүгэр, Оҕо туһунан туспа тутуллан суруллубута суоҕа. Билиҥҥи демографическай балаһыанньаны учуоттаан, саҥа Конституцияҕа сөптөөх быһаарыылар суруллубуттар дии саныыбын. Россия норуоттарын үгэстэригэр оҕоҕо харыстабыллаахтык сыһыан куруук баара», — диэтэ уопсастыбанньык.
