Үлэ министиэристибэтэ СӨ судаарыстыбаннай, казеннай, бүддьүөтүнэй, автономнай тэрилтэлэр үлэһиттэрин хамнастарын 2021 тохсунньу 1 күнүттэн 3% үрдэтэри туруорсар. Маны таһынан үлэ төлөбүрүн сыыйа араҥанан арааран ааҕыыны саҕалыыры этэр.
Санатар буоллахха, 2018 сыл ахсынньытыгар Ил Дархан Айсен Николаев 2019-2024 сылларга бүддьүөт тэрилтэлэригэр үлэһиттэр хамнастарын тупсарыы туһунан кэнсиэпсийэҕэ ыйаах таһаарбыта. Кэнсиэпсийэ сүрүн соругунан үлэһит хамнаһын квалификациятыттан, оҥорор үлэтин ыараханыттан көрөн арааран (дифференциация) төлөөһүн буолар.
Волкова иһитиннэрбитинэн, 37 200 үлэһит хамнаһа үрдүүрүгэр бүддьүөттэн эбии 739 мөл солк көрүллэрэ наада.
