Үлэни биэрээччилэр үлэһиттэригэр диспансеризацияны баралларыгар үс сылга биирдэ өрөбүл күнү биэриэхтэрэ. Биэнсийэҕэ тахсаары сылдьааччылар сыл ахсын икки күнү ылыахтара, диэн “Парламентская газета” иһитиннэрэр.
Бу сокуону Федерация Сэбиэтин социальнай бэлиитикэҕэ кэмитиэтин баһылыга Валерий Рязанскай уонна “Биир ньыгыл Арассыыйа дьокутааттарын бөлөҕө бэлэмнээтилэр. Докумуон ааптардара диспансеризацияны билигин гражданнар сорох категориялара эрэ бараллар диэн бэлиэтээтилэр. Холобур, эргиэн эйгэтин үлэһиттэрэ эбэтэр кутталлаах үлэҕэ үлэлиир оробуочайдар. Онтон атыттар поликлиникаҕа медкөрүүнү эрэ бараллар, көрдөрөр туһуттан бэйэлэрин суоттарыгар өрүүргэ күһэллэллэр.
2013 сылтан Арассыыйаҕа маассабай сэрэтэр медкөрүүлэри сөргүппүттэрин кэннэ, диспансеризацияны 87,6 мөл улахан киһи уонна 79,2 мөл оҕо барбыта.
Федерация Сэбиэтэ бу барылы алтынньы 3 күнүгэр көрүөҕэ.
