28 Кулун тутар 28.03
  • -13°
  • $ 92,59
  • 100,27

Үлэҕэ сэрэхтээх буолуу элбэҕи быһаарар

11:30, 23 марта 2018
Текст:
Читайте нас на
Яндекс Новости
ЯДВ

Бүөтүр Бөтүрүөп С.Зверев-Кыыл Уола аатынан Үҥкүү тыйаатырыгар үлэ көмүскэлигэр таһаарыылаахтык үлэлии-хамсыы сылдьар. Кини бу үлэтин 1993 сылтан САССР Култуура министиэристибэтин аппараатыттан саҕалаабыта. Кини бу хайысхаҕа 5.5 тыһыынча киһини үөрэппитэ да туоһулуур.


Бүөтүр Дьөгүөрэбис бу сыллар тухары үлэ харыстабылын эйгэтигэр биллэр кылааты киллэрдэ диэтэххэ, арааһа, сыыспатым буолуо. Үлэ харыстабылын боппуруоһа кэнники сылларга тэрилтэлэргэ сытыытык турда уонна күүскэ ирдэнэр буолла. Тоҕо диэтэххэ, чуолаан, бырамыысыланнаска. Дьиэ-уот, коммунальнай хаһаайыстыбаҕа, тырааныспарга оһол, эчэйии ахсаана улаатар.

Билиҥҥи бириэмэҕэ нуорма акталара, быраабылалар тиһигин быспакка уларыйа тураллар. Ону барытын ааҕан, үөрэтэн, олоҕу кытта тэҥҥэ баран иһиэххэ наада. Үлэлиир киһиэхэ дэҥтэн-оһолтон сэрэтии тэрээһиннэрэ күн аайы ыытыллыахтаахтар.

Бүөтүр Дьөгүөрэбис бэйэтин үлэтигэр олус бэриниилээх, ирдэбиллээх, баай уопуттаах исписэлиис. Үлэлиир дьонун үөрэтэр, сочуот, эксээмэн тутар. Бэйэтин тыйаатырын иһинэн анал хамыыһыйалаах. Хамыыһыйатын дьоно бары анал үөрэҕи барбыт дьон, куорат үөрэтэр кииннэриттэн тустаах докумуоннаахтар.

Холобур, былырыын Бэрдьигэстээххэ муусука үнүстүрүмүөннэрин оҥорор уонна өрөмүөннүүр сыах маастардарын үлэ харыстабылын боппуруостарыгар үөрэппитэ уонна эксээмэн туппута, аттестациялаабыта. Урут маннык тэрээһиннэри көрсүбэтэх мастарыскыай эбит.

73-с хаарыгар үктэммит Бүөтүр Дьөгүөрэбис урут спордунан дьарыктаммыт буолан, билигин да сытыы-хотуу, кырдьыыны билиммэт. Ону таһынан, уопсастыбанньык ааттааҕа, ырыа-тойук актыыбынай кыттыылааҕа. Киһи быһыытынан олус элэккэй, сайаҕас, бииргэ алтыспыт дьонун куруук үөрэ-көтө көрсөр. Орто дойду олоҕор ыарахаттар да хайаан суох буолуохтарай? Этэллэрин курдук, олох олоруу – көнө хонууну туорааһын буолбатах, оҥхойо, аппата-дулҕата син биир баар.

Ону ол диэбэккэ, биһиги Бүөтүрбүт иннин диэки эрэллээхтик хардыылыыр, барыбытыгар үтүө холобур буолар.

Следите за самым важным и интересным в Telegram-канале и WhatsApp-группе ЯСИА
Тутаах тыллар