Өлүөнэ өрүһү туоруур муоста бырайыагынан экспертнэй түмүгү сэтинньи 1-кы күнүгэр билиһиннэриэхтэрэ. Москватааҕы айан суолун судаарыстыбаннай техническэй университет үлэлиир бөлөҕө ити күҥҥэ диэри докумуону бэлэм оҥорору эрэннэрэр.
Өлүөнэ өрүһү туоруур улахан тутуу бырайыагынан үлэлиир бөлөх муоста тоҕус көрүҥүн ырытар. Ол айылҕа ураты усулуобуйатын, муус устуутун кытта сибээстээх. Араас көрүҥнэрин тэҥнээн ырытыыны Саха сирин салалтатын сакааһынан бөлөх сыл устата ыытта.
Муоста тутулуннаҕына, дойду хас да регионун ситимниир тырааныспар логистическай киинэ олохтонуо, экономическай туруктарын сайыннарыа.
Өрөспүүбүлүкэ салалтата Өлүөнэ өрүһү туоруур муоста 2024 сылга диэри үлэҕэ киириэ диэн эрэнэр.
