Дьокуускай аннынан Өлүөнэ өрүһү туоруур кыһыҥҥы суол арыллыытын барыллаан болдьоҕо таҕыста. Бу туһунан СӨ тырааныспар уонна суол хаһаайыстыбатын министиэристибэтин пресс-сулууспата иһитиннэрэр.


«Хатас-Павловскай» хайысхатынан 3 тоннаҕа диэри ыйааһыннаах көлөлөргө сэтинньи 25 күнүттэн сырыы көҥүллэниэҕэ. Онтон 20 тонналаах массыыналар ахсынньы 20 күнүттэн сылдьар буолуохтара. Ахсынньы ый бүтүүтэ 30 тонналаах массыыналарга суол аһыллыаҕа.

«Дьокуускай — Аллараа Бэстээх» хайысхатынан 10 тоннаҕа диэри ыйааһыннаах көлөҕө тохсунньу 5 күнүгэр сылдьар буолуоҕа. Тохсунньу 13 күнүгэр — 20 тоннаҕа диэри, тохсунньу 20 күнүгэр — 30 тоннаҕа диэри уонна олунньу 5 күнүгэр — 40 тоннаҕа диэри ыйааһыннаах массыыналарга сырыы көҥүллэниэҕэ.

0
0
comments powered by HyperComments