Арассыыйа премьер-миниистирэ Дмитрий Медведев салайааччылаах  Уһук Илин уокуругун уонна Байкал регионун социальнай-экономическай сайдыыларыгар анаммыт бырабыыталыстыба хамыыһыйатын мунньаҕа биир ый анараа өттүгэр буолбута. Онно, атырдьах ыйын 10 күнүгэр, Уһук Илин субъектарын салайааччылара, ол иһигэр соторутааҕыта Ил Дарханынан талыллыбыт Айсен Николаев кыттыбыттара.

Санатан эттэххэ, Айсен Николаев ол мунньахха кэккэ этиилэри киллэрбитэ. Туох-ханнык иннинэ кини Дмитрий Медведевкэ “Өлүөнэ очуостара” айылҕа пааркатыгар Национальнай паарка статуһун иҥэрбитин иһин махтаммыта. Айсен Николаев “Өлүөнэ очуостара” национальнай паарка” диэн федеральнай тэрилтэни аһыы туһунан этии көтөхпүтэ.

Билигин өрөспүүбүлүкэ Айылҕа харыстабылын министиэристибэтэ тэрээһин боппуруостарынан дьарыктанар биэдэмистибэлэр икки ардыларынааҕы  оробуочай бөлөҕү тэрийии боппуруоһун бэлэмниир, бу бөлөх иһигэр былаас федеральнай, регионнааҕы уонна олохтоох уорганнара киириэхтэрэ.

Маны сэргэ Өлүөнэ очуостара” национальнай паарка” ФГБТ тэрийиигэ суол каартатын чопчулууллар. Миниистир Сахамин Афанасьев Москваҕа айылҕа ресурсаларын федеральнай министиэристибэтин кытта бүддьүөт тэрилтэтин тэрийии тэрээһин боппуруостарынан дьарыктанар.

0
0
comments powered by HyperComments