ЫБММ Саха сиринээҕи управлениета иһитиннэрэринэн, Өлүөнэ өрүс мууһун алын кырыыта Хаҥалас Хоточчутугар тиийдэ. Үөһээ кырыыта Иһит сэлиэнньэтин таһыгар баар.Табаҕа таһынан уу таһыма 699 см (кутталлаах таһым 970 см). Оттон Дьокуускай аннынан уу таһыма
344 см.
Алдан көмүөлэ Томпо Кириэс Халдьаайытыгар тиийдэ. Муус хойуутук устар. Үөһээ кырыыта Уус Маайа бөһүөлэгин таһыгар баар. Элдьикээҥҥэ муус турар. Уу таһыма 1617 см. Күп таһынан уу арыый да түспүт. Ол эрээри муус турар.
Амма мууһун алын кырыыта Таатта Чымынаайытыгар тиийдэ. Уу таһыма 1218 см (кутталлаах таһым 1223 см). Оттон үөһээ кырыыта Чурапчы Мындаҕаайытыгар баар. Манна уу таһыма 1330 см (кутталлаах таһым 1350 см).
Хаартыска: ЫБММ
Биһ.корр., edersaas.ru
