«ВИС» бөлөх Саха сиригэр Өлүөнэ эбэни туоруур муостаны тутуу бырайыагынан чинчийэр үлэни саҕалаата. 


«ВИС» бөлөх олунньу 13 күнүгэр илии баттаныллыбыт Өлүөнэ муостатын бырайыактааһыҥҥа, тутууга уонна туттууга концессионнай сөбүлэҥинэн үлэни саҕалаата. Тутуу былаһааккатыгар «муустан» чинчийиини саҕалыырга түөрт буурдуур тэрил аҕалылынна. Үлэ концессионерынан – «Ахсыс концессионнай хампаанньа» ХЭТ — үбүлэнэр.

Исписэлиистэр бастакы тоҥ кырыс холобурдарын ыллылар, салгыы Саха сиринээҕи тутууга научнай-чинчийэр институт лабораториятыгар чинчийиигэ бэрилиннэ.  Муоста трассата уонна тирээбиллэрэ ханан туруохтаахтарын быһаарар сыалтан, космическай стерео-түһэрии анаалыһа саҕаланна. Ол кэннэ муоста тутуллуохтаах сирин киэбэ сыыппаранан оҥоһуллуохтаах. Муус хамсыан иннинэ термометрическай холуонналар туруоруллуохтаахтар, балар тирээбил туруохтаах кырыһын температуратын характеристикатын быһаарыахтара.

Бырайыактыыр-чинчийэр үлэлэр кэтээн көрөр туһааннаах тэрилтэлэри кытта бииргэ үлэлииллэр: «Ленское государственное бассейновое управление водных путей и судоходства» тэрилтэ, Россия ЫБМ министиэристибэтин Саха сиринээҕи салаата, экология, айылҕаны туһаныы уонна ойуур хаһаайыстыбатын министиэристибэтэ.

Бырайыактыыр чинчийиилэр хас да түһүмэҕинэн ыытыллыахтара. Сайын археологическай чинчийиилэр оҥоһуллуохтара. Сыала — тутуу барар сиригэр култуурунай нэһилиэстибэ пааматынньыктарын булуу уонна харыстааһын. Көрдөөһүн түмүктэринэн трасса сүнньүн ааһыыта учуоттаныаҕа.

 

Сиһилии http://ysia.ru/protsess-poshel-v-yakutii-nachalis-izyskatelskie-raboty-po-lenskomu-mostu/

Сигэн:

0
0

Хоруй суох