Ил Дархан Айсен Николаев Дьокуускай куорат аннынан Өлүөнэ эбэни туоруур муоста бырайыагын, тутуутун уонна үлэлэтиитин тула мунньах ыытта. Өрөспүүбүлүкэ баһылыгын иһинэн үлэлиир Сэбиэт кыттыыны ылла, ол туһунан сүрүн пресс-сулууспа иһитиннэрэр.


Ил Дархан Айсен Николаев мунньах саҕаланыытыгар модун тутууга федеральнайдааҕы бюджеттан үп көрүллүүтүн боппуруоһа өссө да быһаарылла илик диэн үгүстэр саныылларын иһитиннэрдэ.

«Ити эрээри бырайыагы олоххо киллэриигэ үгүс боппуруос олохтоох бырабыыталыстыба, куорат уокуруга уонна Мэҥэ Хаҥалас улууһун быһаарыыларыгар бэриллэр. Министиэристибэлэри, биэдэмистибэлэри кытта сыһыаннаах ыйытыылар бааллар. Бу үлэлэр ыытыллыахтаахтар», — диэтэ кини.

Концессионнай бырайыак докумуонун оҥоруу икки түһүмэхтэн турар. Бастакыта тутуу сирин бэлэмнээһин балаҕан ыйыгар түмүктэнэн, ахсынньыга «Главгосэкспертиза» көрүүтүгэр бэриллиэхтээх, экспертиза ылыллыахтаах. Бары ирдэнэр геодезическай, гидрометерологическай, экологическай, транспортнай чинчийиилэр оҥоһулуннулар. Салгыы сир учаастагын, Старай Табаҕа оройуонугар бөх мунньуллуутун суох оҥоруу тула үлэлэр бараллара этилиннэ.

Айсен Николаев бэлиэтээбитинэн, бырайыак практикаҕа киирэр таһымҥа таһаарылынна. «Кэпсэтиилэр аастылар. Федеральнай бюджеттан үбүлээһин боппуруоһун дойду салалтатын, бырабыыталыстыба уонна чааһынай партнердары кытта быһаарыахпыт диэн эрэнэбин», – диэтэ регион салайааччыта.

Сиһилии https://ysia.ru/proekt-mosta-cherez-lenu-vyhodit-na-stadiyu-prakticheskoj-realizatsii/

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.