29 Кулун тутар 29.03
  • -13°
  • $ 92,26
  • 99,71

Өлүөнэ эбэҕэ быраҥааттаны, чыыры уонна күндүөбэйи үөскэтиэхтэрэ

Читайте нас на
Яндекс Новости
ЯДВ

Саха сирин өрүстэригэр балыгы үөскэтиини быйылгы дьылга эмиэ ыытыахтара. Бырагыраама аан бастакытын Өлүөнэ эбэҕэ үлэлиэҕэ. Манна быраҥаатта, чыыр уонна күндүөбэй үөскэтиллэрэ былааннанар. 


«Саха сирин өрүстэригэр балыгы үөскэтиигэ улахан былааннар бааллар. Быйыл аан бастакытын Өлүөнэ өрүскэ быраҥаатта, чыыр уонна күндүөбэй ыамаларын ыытыахпыт. Чернышевскайдааҕы балык собуотугар инкубацияҕа икки мөлүйүөнтэн тахса искэх баар», — диэн экология миниистирэ Сахамин Афанасьев «Быһа кэпсэтии» биэриигэ эттэ.

Бүлүү өрүскэ эмиэ балыгы ыытар туһунан эттэ. Быйыл ити эҥэр улуустар үлэҕэ кыттыһаллар. Кинилэр бэйэлэрин суоттарыгар муниципалитеттар икки ардыларынааҕы бырагыраамаҕа киирсэллэр. АЛРОСА хампаанньа хатыыһы үөскэтиигэ кыттыһар. Быйыл сүүстэн тахсаны ыытара былааҥҥа турар.

«Өрүстэргэ балыгы үөскэтиигэ ыытыллыбыт үлэ хонтуруолланар. 2023 -2025 сылларга бастакы түмүктэри көрүөхпүт», — диэтэ миниистир.

Следите за самым важным и интересным в Telegram-канале и WhatsApp-группе ЯСИА