Өлөөн энергиэтиктэрэ “Молодежнай” түөлбэҕэ саҥа подстанцияны үлэҕэ киллэрдилэр

“Сахаэнерго” хампаанньа Өлөөннөөҕү уотун ситимин кэлэктиибэ сылтан сыл ахсын электроэнергияны биэрии хаачыстыбатын тупсарар. Эргэрбит электролиниялары саҥардан, “СИП” проводка уларытары хааччыйан, улахан силлиэ тыал, буурҕа да түспүтүн иһин “былаана суох” уоту араарыыны муҥутуурдук аччаттылар. Бу дьыл алтынньы ый 11 күнүгэр энергиэтиктэр “Молодежнай” хочуолунай үлэҕэ киириэхтээх оройуонугар 250 киловатт кыамталаах подстанцияны туттулар.


“Сахаэнерго” ХЭТ Өлөөннөөҕү уотун ситимин кылаабынай инженера Гаврил Дмитриевы көрсөн кэпсэттибит. Кини этэринэн, оройуон олохтоохторугар олус наадалаах уонна күүтүүлээх “Молодежнай” кыбартаалынай хочуолунай үлэҕэ киирэр. Ону хааччыйыыга анаан саҥа уот подстанциятын тутууга, таҥааһыҥҥа маастар Константин Михайлов салайааччылаах оробуочай биригээдэ үлэлээбит. Кинилэр үрдүк таһаарыылаахтык ылсан, бириэмэтигэр түмүктээн, электроэнергияны бириэмэтигэр холбооһуну хааччыйбыттар.

Энергиэтиктэр Альберт Федоров, Егор Гладкин, Альберт Иванов, Александр Васильев, буровой массыына суоппара Андрей Васильев бэриниилээх үлэни көрдөрөн, нэһилиэнньэҕэ олус наадалаах тутуу бириэмэтигэр үлэҕэ киирэрин бэлэмнээбиттэр.

Ааптар: Николай СТРУЧКОВ

Хаартыскаҕа: “Энергиэтиктэр “саҥа” подстанцияны үлэҕэ киллэрэр түгэннэрэ.

This post was published on 16.10.2018 18:36 18:36