Россияҕа телевидениенэн уонна радионан биэрии ситимин Саха сиринээҕи филиала кэккэ улуустары цифровой телевидение уон ханааллаах бакыатынан хааччыйан, олохтоохтор буор босхо «Первый канал», «Россия 1», «Матч ТВ», «НТВ», «Петербург 5 канал», «Россия Культура», «Россия 24», «Карусель», «ОТР», «ТВ Центр» көрө олороллор. Бу туһунан edersaas.ru сырдатта.
2018 сыл бүтүүтэ ханаал ахсаана элбээн, «Рен-ТВ», «Спас», «СТС», «Домашний», «ТВ-3», «Пятница», «Звезда», «МИР», «ТНТ», «МУЗ-ТВ» эбиллэн биэриэхтэрэ. Цифровой телевидение форматын аныгы тэлэбиисэрдэринэн таах көрүөххэ сөп. Абонентскай төлөбүрэ суох.
Билиҥҥи туругунан, Россияҕа телевидениенэн уонна радионан биэрии ситимин Саха сиринээҕи филиалын РТРС-1 (бастакы мультиплекс) цифровой бырагырааматын 23 улуус 87 нэһилиэнньэлээх пууна көрө олорор. Бу сыл бүтүүтэ 29 улуус 124 нэһилиэгин олохтоохторо элбэх ханааллаах босхо телевидениенэн хааччыллыахтарын туһунан СӨ Сибээһин уонна информатизациятын министиэристибэтэ иһитиннэрдэ.
