29 Кулун тутар 29.03
  • -13°
  • $ 92,26
  • 99,71

Кырыкый куйууругар саамай элбэх балыгы мэйиктэр ыллылар

15:54, 28 марта 2016
Текст:
Читайте нас на
Яндекс Новости
ЯДВ

Үөһээ Бүлүү улууһун Кырыкыйыгар 10-с «Айылҕа уонна биһиги» өрөспүүбүлүкэтээҕи экологическай акция чэрчитинэн ыытыллыбыт куйуур күрэҕэ Мундуҥда эбэтигэр буолан ааста.


«Үстүү киһилээх 13 хамаанда кыттан, эр дьоҥҥо өтөрүнэн умнуллубат байанайдаах күн тосхойдо. Ыаллыы сытар күөх Ньурба улууһун Өҥөлдьү нэһилиэгиттэн икки хамаанда кэлэн, куйуур күрэҕин ордук сэргэхситтилэр. Куйуурдааһын үгэс курдук оонньуулаах, күрэхтэһиилээх барда, онон кыттааччылар араас көрүҥҥэ илин-кэлин түсүһэн, хайа хамаанда кыахтааҕын эмиэ быһаардылар», — диэн Үөһээ Бүлүүтээҕи экология инспекциятын үлэһитэ Максим Ильин кэпсээтэ.

Түмүккэ, ойбон алларыытыгар 3-с миэстэҕэ Кырыкый хамаандата, 2-с миэстэҕэ дүллүкүлэр тигистилэр, кыайыылааҕынан Кырыкый иккис хамаандата ааттанна.

17 киилэ 500 грамм көмүс хатырыктааҕы куйуурдаан ылбыт мэйиктэр бу түһүмэххэ «Саамай элбэх балыктаах» хамаанда аатын ыллылар. Онтон иккискэ 14 киилэ 500 грамм собону туттарбыт Дүллүкү хамаанда тигистэ, 13 киилэ 200 грамм соболоох Хомустаах хамаандата үһүс буолла.

Следите за самым важным и интересным в Telegram-канале и WhatsApp-группе ЯСИА