29 Кулун тутар 29.03
  • -13°
  • $ 92,26
  • 99,71

Кыраамы да боруобалаабакка, аккаастан

Читайте нас на
Яндекс Новости
ЯДВ

Нэһилиэнньэ ортотугар табахтааһын уонна арыгылааһын сыл ахсын тоҕо тэнийэ турарын үөрэтэн кэккэ түмүктэргэ кэл­биттэр.

Бастатан туран, табахтааһын уонна арыгылааһын тэнийэ­ригэр сүрүн төрүөтүнэн «сымнаҕас» арыгы уонна көмүскэл­лээх фильтрдээх табахтар буолаллар. Аҕыйах сыллаахха диэ­ри пиибэ, отой да арыгы буолбакка, «утах» диэн суруллар этэ. Ол иһин, пиибэ ас маҕаһыыннарыгар атыыланар этэ.

Бэл, ити билигин оҥорор арыгыта суох сампааныскайда­ра эбэтэр пиибэлэрэ ыччат бастакы хардыыны оҥороругар ананан оноһулларын билиэх тустаахпыт. Ити курдук, ханнык баҕарар киһи, эмиэ наркотик курдук, кыраттан да саҕалаан, сыыйа ылларан киирэн барар.

Олоххо көстөрүнэн, «Мин эһээм табахтыыр, кыралаан арыгылыыр этэ да, 100 сааһын моҥоон баран өлбүтэ» диэн этиилэр эмиэ баар буолаллар. Ол гынан баран, нэһилиэн­ньэ ортотугар табахтааһын, пиибэлээһин, сампааннааһын төһөнөн элбиир да, соччонон арыгыга ылларыы элбии тура­рын билиэхтээхтэр.

Онон, кытаанах арыгыны «сымнаҕас» арыгынан солбуйуохха диэн этиилэр оруна суохтар. Кытаанах арыгыны «сым­наҕас» арыгынан солбуйуохха диэн федеральнай сокуон ба­рылын онороллоро олус хомолтолоох.

Статистика көрдөрөрүнэн, бырааһынньыкка эрэ култу­урунайдык иһэбин диир алта киһиттэн биирэ хайаан да арыгыһыт буолар эбит. Эбиитин төһөнөн эрдэ саҕалыыр да, соччонон түргэнник арыгыһыттар ахсааннарыгар киирэр. Онон, арыгыны утары үлэҕэ күүстээх болҕомто «сымнаҕас» наркотиктарга ууруллуон наадатын исписэлиистэр бигэргэтэллэр.

Ону ааһан, арыгы дьаатыгар өссө элбэх киһини сутуйар туһуттан, киһи үөрэммит араас аһыгар арыгыны кутар буол­лулар. Ол курдук, сакалааттарга, ыастарга кутар түгэннэригэр, оҕо кыра сааһыттан арыгыга түргэнник ылларар куттала баар. Онон, төрөппүттэр ордук болҕомтолоох буолаллара ирдэнэр.

Карл Башарин этэринэн, ханнык баҕарар наркотиктан көмүскэниэххин баҕарар буоллаххына, – биир да кыраамы боруобалаабакка, олохтоохтук аккаастаныы.

МАТВЕЙ ЛЫТКИН, «Саха сирэ» хаһыат, edersaas.ru

Следите за самым важным и интересным в Telegram-канале и WhatsApp-группе ЯСИА