«Полярные авиалинии» АХ балаҕан ыйын 21 күнүттэн сөмөлүөтүнэн көтөөччүлэргэ дьоһун чэпчэтиилэри олохтуурун туһунан иһитиннэрдэ.
«Полярные авиалинии» АХ Баатаҕай, Ньурба, Тиксии, Зырянка, Ленскэй, Сунтаар, Уус Маайа, Орто Халыма, Өлөөн уонна Сааскылаах хайысхаларынан чэпчэтиилэри киллэрдэ. Өскөтүн үс киһиттэн турар дьиэ кэргэн айанныыр буоллаҕына, билиэттэрин сыаната 5%. чэпчиир.
Итиэннэ 5 саастарын туола илик оҕолор босхо айанныахтара. Маны таһынан сэтинньи бүтүөр диэри босхо таһаҕаһы тиэйии кээмэйэ 30 киилэҕэ диэри улаатта.
Бу акция балаҕан ыйын 21 күнүттэн сэтинньи бүтүөр диэри ыытыллыаҕа.
