Өрөспүүбүлүкэ киин куоратын культураҕа уонна духуобунай сайдыыга управлениета «Кыһын Саха сириттэн саҕаланар» бэстибээл тус ырыаланыаҕа диэн иһитиннэрэр. Онно анаан куонкурус биллэрилиннэ.
«Кыһын Саха сириттэн саҕаланар» бэстибээл тус ырыатын куонкурсугар биирдиилээн ааптардар, бөлөҕүнэн, музыканнар, композитордар, мелодистар, музыкальнай устуудьуйалар кыттыахтарын сөп.
Куонкурус түмүгүнэн билиниллибит ырыа бэстибээл тэрээһиннэригэр тыаһыаҕа уонна Саха сирин тыйыс айылҕалаах кыһынын уратытын кэпсиэҕэ. Ырыаҕа бэстибээл сүрүн событиелара көстүөхтээхтэр: сүрүн Харыйа уотун уматыы, «Бриллианты Якутии» норуоттар икки ардыларынааҕы муус, хаар оҥоһуктарга куонкурус, «Вкус Якутии» ас бэстибээлэ, «Строганина» куонкурус, «Хотугу норуоттар оонньуулара» спортивнай илин-кэлин түсүһүү.
Куонкурус сэтинньи 20 күнүгэр диэри тэриллэр. Кыайыылаах дипломунан уонна харчынан бириэмийэлэниэҕэ. Сайаапкалары Дьокуускай куорат, Ленин проспегын 15 нүөмэрдээх дьиэтигэр, 103 кабинекка киллэрэн биэрэргитигэр ыҥыраллар, төлөпүөн нүөмэрэ 408-052, электроннай почта: cultura521@mail.ru
Бүтүн Россиятааҕы «Кыһын Саха сириттэн саҕаланар» бэстибээл 2011 сылтан саҕаланар.
