Бэс ыйыгар илин эҥэр, киин улуустарга курааннаан от үүнүүтэ мөлтөх диэн өрөспүүбүлүкэ баһылыга Айсен Николаев “Якутия-24” ханаалга биэрбит интервьютугар эттэ. Ил Дархан кыстыкка былааны толорор сыалтан мобильнай биригээдэлэр тэриллиэхтэрин, үчүгэй үүнүүлээх улуустарга былааны таһынан оттуулларын көҕүлүөхтэрин эттэ. Бу туһунан СИА суруйар.


«Өрөспүүбүлүкэ үрдүнэн барыта 400 тыһ. тонна от бэлэмнэниэхтээх. Былаан 90% туолар чинчилээх. Тиийбэт оту мобильнай биригээдэлэр (20 тыһ.тонна) уонна отторун үүнүүтэ үчүгэй улуустар (20 тыһ тонна) ситэрэн биэриэхтэрэ. Биригээдэлэр номнуо тэриллэн үрэхтэр кытыыларынан, тиэхиньикэ киирбэт сирдэригэр оттуу сылдьаллар», — диэтэ Ил Дархан.

Тыа хаһаайыстыбатын боппуруостарын саҥа анаммыт бырабыыталыстыба бэрэссэдээтэлин солбуйааччы Михаил Никифоров сүрүннүө.

Быйыл сүөһү-сылгы төрүөҕэ бүтэһик сылларга үчүгэй көрдөрүүлээх, диэтэ өрөспүүбүлүкэ баһылыга.

Сигэн:

0
0

Хоруй суох

Хоруйдаа

Лимит времени истёк. Пожалуйста, перезагрузите CAPTCHA.