28 Кулун тутар 28.03
  • -11°
  • $ 92,59
  • 100,27

Куорат тиэргэннэрин тупсарыы туһунан кэпсэттилэр

18:30, 22 апреля 2018
Текст:
Читайте нас на
Яндекс Новости
ЯДВ

Саха сирин уопсастыбаннай балаататын «#ЧТОНЕТАК»  диэн ааттаах дискуссионнай кулуубун иккис сүбэ мунньаҕа Дьокуускайга куорат аныгы эйгэтин тэрийиигэ, тиэргэннэри тупсарыыга ананна. Тутуу, хомунаалынай хаһаайыстыба үлэһиттэрэ, Уопсастыбаннай  балаата бэрэстэбиитэллэрэ түмсэн, дьон олороругар хайдах гынан куораппытын тупсаҕай оҥорор туһунан кэпсэттилэр.    

Бу уопсастыбаннай  тэрилтэ нэһилиэнньэ ортотугар 100 киһиэхэ опрос ыыппыт, олохтоохтор тиэргэннэрин олбуоругар туох итэҕэс-быһаҕас баарын ыйыталаспыттар. Соһуйуох иһин, аан бастаан дьон тиэргэни сырдатыы тиийбэтин ыйбыттар. Ол кэнниттэн таһырдьа тахсан салгын сииргэ, сатыы хаамаарга, оҕону күүлэйдэтэргэ куоракка күөх от-мас суоҕун, ол оннугар быыл, буор бурҕайа сытарын, тыынарга сөбө суоҕун эппиттэр.

Төгүрүк остуол ыытааччыта, Саха сирин Уопсастыбаннай  балаататын бэрэссэдээтэлин солбуйааччы Наталья Хоренко этэринэн, Дьокуускай элбэх кыбартыыралаах дьиэлэрин тиэргэннэрэ төһө ыраас, табыгастаах буолаллара хас биирдии киһиттэн эмиэ тутулуктаах. Сүбэ мунньах түмүгүнэн, тустаах тэрилтэлэргэ, биэдэмэстибэлэргэ баар итэҕэстэри туоратарга, нэһилиэнньэ туруорсуутун ылынарга сурук ыытылынна.

Былаас уонна норуот сүбэтин түмэн, олох араас эйгэтигэр баар кыһалҕалары бииргэ быһаарарга 2017 с. «#ЧТОНЕТАК» диэн саҥа федеральнай бырайыак аһыллан үлэлиир. Бу бырайыакка хас биирдии киһи кыттан, бэйэтин санаатын, уопсастыбаннай олоххо туох итэҕэс-быһаҕас баарын этиэн, дьон болҕомтотун тардыан сөп.

Марианна Тыртыкова, «Саха сирэ», edersaas.ru

Следите за самым важным и интересным в Telegram-канале и WhatsApp-группе ЯСИА