29 Кулун тутар 29.03
  • -12°
  • $ 92,26
  • 99,71

Куорат мээрин быыбарыгар үһүс хандьыдаат. Владимир Федоров.

17:11, 15 июля 2018
Текст:
Читайте нас на
Яндекс Новости
ЯДВ

Ил Түмэн дьокутаата, урбаанньыт Владимир Федоров бу сырыыга «Родина» баартыйаттан Дьокуускай куорат баһылыгын дуоһунаһыгар хандьыдаатынан турарга сананна.

edersaas.ru

Урут Владимир Федоров «Сиэрдээх Арассыыйа» баартыйаттан хаста да быыбарга кыттан турар. Экспертэр этэллэринэн, кини куорат баһылыгар туруорунарын-туруорумматын уһуннук толкуйдаата.

Айсен Николаев ыам ыйын 28 күнүгэр өрөспүүбүлүкэ таһымыгар барыаҕыттан, мээр кириэһилэтэ соҕотохто иллэҥсийэ түспүтэ. Ким кэлиэҕин сабаҕалааһын саҕаламмыта. Ил Дархан э.т. Айсен Николаев бэйэтин оннугар көрөр киһитин номнуо чопчуламмыта. Куорат Дууматын бэрэссэдээтэлин Александр Саввиновы «куоратын таптыыр, үчүгэй салайааччы» быһыытынан сыаналаабыта. Федоров «Фэйсбук» ситимигэр өрөбүл күн маннык сырдатта:

— Баһылык буоларга бэйэбин бэлэмниибин. Мин иннибинэ үлэлээбит баһылыктар үтүө көҕүлээһиннэрин салгыам уонна бэйэм сонун көрүүлэрбин олоххо киллэриэм. Мин ону хайдах ситиһэри билэбин. Кэлиҥҥи сылларга куораты тупсарыыга кэскиллээх хардыыны оҥорорго анаан үөрэнним. .

Владимир Федоров

Дьокуускай куорат баһылыгын дуоһунаһыгар быыбар балаҕан ыйын 9 күнүгэр буолар. Быыбардыыр хамыыһыйаҕа бүгүҥҥү күҥҥэ биир эрэ киһи докумуонун биэрдэ. Ол — РЛДП баартыйаттан хандьыдаат Владислав Теппор. Куорат Дууматын бэрэссэдээтэлэ Александр Саввинов «Биир ньыгыл» баартыйаттан  турбута.

Онон бүгүҥҥү күҥҥэ Дьокуускай баһылыгар үс хандьыдаат аата билиннэ.

Елена ПОТОЦКАЯ, «Саха сирэ» хаһыат, edersaas.ru

Хаартыска — интернеттэн.

Следите за самым важным и интересным в Telegram-канале и WhatsApp-группе ЯСИА