29 Кулун тутар 29.03
  • -11°
  • $ 92,26
  • 99,71

Космонавтикаҕа анаммыт Саха сирин бырайыактара федеральнай киинтэн өйөбүлү ылыахтара

Читайте нас на
Яндекс Новости
ЯДВ

Космонавтика эйгэтигэр анаммыт Саха сирин бырайыактара федеральнай өйөбүлү ылыахтара. Бу туһунан Ил Дархан Айсен Николаев уонна Ю.А. Гагарин аатынан космонавтары бэлэмниир киин начаалынньыга Павел Власов оробуочай көрсүһүүлэригэр этилиннэ. 


Өрүттэр «Старт в космос!» диэн Айсен Николаев өйөөбүт аэрокосмическай хайысхаҕа эбии үөрэхтээһиҥҥэ бырагыраама туһунан кэпсэттилэр. Бырайыагы Москватааҕы авиация институтун Реклама уонна уопсастыбанаһы кытта сибээс кафедратын доцена Саргылана Захарова көҕүлээбитэ.

Физикаҕа, математикаҕа, авиация уонна космонавтика историятыгар кэтэхтэн олимпиадалар ыытыллыбыттыра. Ол түмүгэр Саха сириттэн 40 оҕо талыллыбыта. Кинилэр «Старт в космос!» диэн сайыҥҥы лааҕырга Амма улууһугар сынньаммыттара. Кыайыылаахтар Москваҕа «Звезднай городокка» уонна космонавтары бэлэмниир кииҥҥэ сылдьыахтара.

«Саха сиригэр космонавтикаҕа оскуолалар хамсааһыннара сайдар. Уус Алдан улууһун Дүпсүнүгэр космонавтика уонна авиация музейа баар. Оҕолор олус көхтөөхтүк уонна көдьүүстээхтик, оттомноохтук сыһыаннаһан дьарыктаналлар. Куонкурустарга, олимпиадаларга кытталлар. Аэрокосмическай үөрэх бырагырааматын сайыннарар наада. Бу хайысхаҕа инженердэри бэлэмниир, Саха сирин олохтоохторун наукаҕа уонна космоска кыра саастарыттан интэриэһи үөскэтэр наада», — диэн бэлиэтээтэ Айсен Николаев.

Өрүттэр бииргэ үлэлээһин кэскилин кэпсэттилэр.

«Биһиги космонавтар этэрээттэрин хаҥатыыга үһүс төгүлүн талыыны ыытабыт. Куонкурустарга кыттарга ыҥырабыт. Сайтпытыгар туох баар матырыйаал барыта баар. Онон бу да сырыыга Саха сириттэн элбэх оҕо кыттарыгар эрэнэбит», — диэтэ Павел Власов. 

Следите за самым важным и интересным в Telegram-канале и WhatsApp-группе ЯСИА