28 Кулун тутар 28.03
  • -11°
  • $ 92,59
  • 100,27

Коронавирус. Социальнай үлэһиттэр эбии төлөбүр ылыахтарын сөп

Читайте нас на
Яндекс Новости
ЯДВ

Кырдьаҕастары кытта үлэлиир социальнай тэрилтэлэр үлэһиттэрэ эбии төлөбүр ылыахтарын сөп. Бу 130 тыһ. тахса киһи. Манна анаан федеральнай бюджеттан 7,7 млрд солк. наада. Үбүлээһин саастаахтары кытта быһаччы үлэлиир дьоҥҥо ананыаҕа диэн, Үлэ министиэристибэтин официальнай саайта иһитиннэрэр.


 «Коронавирус инфекцията тарҕанар кутталын намтатар сыалтан медперсонал уонна социальнай үлэһиттэр интернат олохтоохторун кытта бииргэ олорор буолбуттара. Бу кэмҥэ үлэ-хамнас усулуобуйатын учуоттаан, Президент сорудаҕынан соцтэрилтэҕэ үлэ хас биирдии сменатыгар эбии төлөбүр киллэрилиннэ», — диэн быһаарда РФ Үлэҕэ уонна социальнай көмүскэлгэ министрэ Антон Котяков.

Социальнай тэрилтэлэргэ быраастар хас биирдии сменаҕа 40 тыһ. солк. хамнастаныахтара, оттон смена кэмигэр коронавируснай инфекциянан ыалдьыбыт дьоҥҥо көмө оҥордохторуна, эбии төлөбүр кээмэйэ 60 тыһ. солк. буолар.

Социальнай үлэһиттэр, педагогтар уонна орто медперсонал үлэ сменатынан эбии 25 тыһ. солк. ылаллар, оттон ыарыыга ылларбыт дьоҥҥо көмөлөһөргө эбии төлөбүр 35 тыһ. солк. диэри улаатыаҕа.

Маны тэҥэ смена кэмигэр коронавируснай инфекциялаах ыарыһахтарга көмө оҥорор буоллахтарына, алын  медперсонал сменаҕа 15 тыһ. солк. эбэтэр 25 тыһ. солк. ылыахтара, техническэй персонал 10 тыһ. солк. уонна үөһэ этиллибитин курдук 15 тыһ. солк.

Эбии төлөбүрдэр харантыын эрэһиимигэр көспүт тэрилтэлэргэ тарҕанар – ол эбэтэр кырдьаҕастар уонна инбэлииттэр интернаттарыгар кырата 14 хонук тэрилтэ иһигэр олорбута учуоттанар.

Төлөбүр саамай муҥутаан ааҕыллан түҥэтиитэ муус устар 15 күнүттэн от ыйын 15 күнүгэр диэри болдьохтонор, маны таһынан бу  эбии төлөбүрдэр үлэһиттэргэ бэс ыйыгар киириэхтэрэ, диэн суруйар https://www.sakhaparliament.ru

Следите за самым важным и интересным в Telegram-канале и WhatsApp-группе ЯСИА