29 Кулун тутар 29.03
  • -14°
  • $ 92,26
  • 99,71

Коронавирус кэмигэр дьону уураппыт тэрилтэлэри эппиэтинэскэ тардыахтара

12:07, 14 апреля 2020
Текст:
Читайте нас на
Яндекс Новости
ЯДВ

Коронавирус пандемиятын кэмигэр үгүс урбаанньыттар үлэлэрэ тохтоон, эргийэр үптэрэ аччаан, бүддьүөттэн үбүлэнэр тэрилтэлэр үлэһиттэрин сарбыйан, үлэтэ суох киһи ахсаана хаһааҥҥытааҕар даҕаны элбиир кутталлаах, диэн суруйар edersaas.ru


Дойду аҕа баһылыга Владимир Путин кулун тутар 25 күнүгэр Арассыыйа олохтоохторугар туһаайан эппит быһа биэриитигэр, тэрилтэ салайааччыларын дьону үлэлэриттэн ууратартан туттунарга ыҥырбыта. Ил Дархан Айсен Николаев муус устар 2 күнүгэр үлэтэ суох дьон ахсаана эмискэ үрдүүрүн тохтоторго анал дьаһал таһаарбыта.

Итиниэхэ олоҕуран, өскөтүн үлэлиир быраапкытын кэстэхтэринэ, үлэҕититтэн ууратаары модьуйдахтарына 8-4112-507-850 эрийэн биллэрэҕит! СӨ нэһилиэнньэ дьарыктаах буолуутун судаарыстыбаннай кэмитиэтин үлэһиттэрэ эһиги ыйытыыларгытыгар хоруйдуохтара, сүбэ-ама биэриэхтэрэ.

Тус бэйэм ити нүөмэргэ эрийэ сылдьыбыппар, коронавирус өрө турбут кэмигэр дьону үлэтиттэн ууратар бобуллар диэн хоруйдаатылар. Ол өйдөнөр, киһи барыта дьиэтигэр олорон үлэлиир, харантыын хаһан бүтэрэ биллибэт, кириисис тыҥаан турар уустук кэмигэр хайа тэрилтэ саҥа үлэһити ылыай?

Онон COVID-19 пандемиятын кэмигэр өрөспүүбүлүкэҕэ дьону үлэлэриттэн уураппыт тэрилтэ салайааччыларын эппиэтинэскэ тардыахтара. Үлэһит бырааба кэһиллибит түгэнигэр Үлэ инспекцията тустаах бэрэбиэркэ ыытыаҕа. РФ премьер-миниистирэ Михаил Мишустин үлэһит ахсаанын сарбыйбыт тэрилтэлэри федеральнай нолуок сулууспата, Борокуратуура бэрэбиэркэлиирин туһунан өссө кулун тутар 21 күнүгэр эппитэ.

Следите за самым важным и интересным в Telegram-канале и WhatsApp-группе ЯСИА