Өрөспүүбүлүкэтээҕи суһал штаб сэтинньи 30 күнүнээҕи иһитиннэриитинэн, Саха сиригэр эбии 215 киһи COVID-19 ыарыыга сутулунна.
Дьокуускайга — 111 саҥа бэлиэтээһин оҥоһулунна, диэн штаб салайааччытын солбуйааччы Ольга Балабкина күннээҕи брифиҥҥэ эттэ.
- Мииринэйгэ — 10;
- Нерюнгрига – 9;
- Мэҥэ-Хаҥаласка – 8;
- Ньурбаҕа, Сунтаарга — алталыы киһи;
- Горнай, Ленскэй, Таатта, Уус-Алдан, Чурапчы улуустарыгар — биэстии;
- Алдан, Бүлүү, Нам, Өймөкөөн, Өлүөхүмэ, Уус-Маайа — түөртүү;
- Өлөөн, Томпо — үстүү;
- Эдьигээн, Кэбээйи — иккилии;
- Амма, Үөһээ Бүлүү, Дьааҥы, Аллара Халыма, Усуйаана, Хаҥалас — биирдии киһи эбии ыарыйда.
Роспотребнадзор управлениетын көрдөрүүтүнэн, түөрт киһи олохтон туораата, 2 565 анаалыс оҥоһулунна. Пандемия саҕаланыаҕыттан барыта 782 488 тест оҥоһуллубут.