Ааспыт сууккаҕа өрөспүүбүлүкэҕэ эбии 45 киһи коронавируһунан ыарыйда. Бу туһунан COVID-19 тарҕаныытын бохсор өрөспүүбүлүкэтээҕи суһал ыстаап иһитиннэрэр.
Мантан 21 – Дьокуускайга, 3 Хаҥаласка. Иккилии киһи Амма, Үөһээ Бүлүү, Ленскэй, Мэҥэ-Хаҥалас, Мииринэй, Нам, Нерюнгри, Өлөөн, биирдии – Алдан, Ньурба, Сунтаар, Уус-Алдан, Чурапчы улуустарыгар ыарыйдылар. Ыалдьыбыттар балыыһаҕа киирдилэр, алтыспыттара билилиннилэр, туспа тутулуннулар.
Ааспыт сууккаҕа икки киһи олохтон туораата.
Суукка иһигэр лабораторияларга 1165 тест оҥоһулунна, пандемия саҕаланыаҕыттан барыта — 365 375.