Ааспыт сууккаҕа өрөспүүбүлүкэҕэ эбии 47 киһи коронавируһунан ыарыйда. Бу туһунан COVID-19 тарҕаныытын бохсор өрөспүүбүлүкэтээҕи суһал ыстаап иһитиннэрэр.
Мантан 22 – Дьокуускайга, 4 киһи Нерюнгрига, үстүү киһи Мииринэй, Хаҥалас, иккилии – Алдан, Үөһээ Бүлүү, Бүлүү, Өлөөн, Чурапчы, биирдии – Мэҥэ Хаҥалас, Ньурба, Өлүөхүмэ, Уус-Алдан, Сунтаар улуустарыгар ыарыйдылар. Ыалдьыбыттар балыыһаҕа киирдилэр, алтыспыттара билилиннилэр, туспа тутулуннулар.
Суукка иһигэр лабораторияларга 993 тест оҥоһулунна, пандемия саҕаланыаҕыттан барыта — 308 869.