28 Кулун тутар 28.03
  • -13°
  • $ 92,59
  • 100,27

«Коркин турнира-2018»: Бааттаах көрөөччүлэр сыаналаах бириистэри сүүйүөхтэрэ

17:18, 23 августа 2018
Текст:
Читайте нас на
Яндекс Новости
ЯДВ

Аҕыйах хонугунан Дьокуускайга, “Триумф” Спорт киинигэр улуу тириэньэрбит Дмитрий Коркин кэриэһигэр көҥүл тустууга норуоттар икки ардыларынааҕы Гран-при турнир былааҕа уон биирис төгүлүн көтөҕүллүөҕэ.


Дмитрий Петрович 90 сылыгар анаммыт быйылгы түһүлгэҕэ аан дойду ааттаах-суоллаах бөҕөстөрө – Олимпийскай оонньуулар, аан дойду, Европа чөмпүйүөннэрэ, призердара – кытталлара тустууну сэҥээрээччилэр ортолоругар улахан сэргэхсийиини таһаарда.

Турнир кэмигэр тэрийээччилэр көрөөччүлэргэ киирии билиэттэринэн бириистэри оонньотуохтара. Бу туһунан «Фортуна» кэнсиэр ааҕыныстыбатын дириэктэрэ Аркадий Беленков иһитиннэрдэ. Ол курдук, бастакы күн бааттаах көрөөччү кулунчугу сиэтэн барыаҕа. Оттон турнир иккис, үһүс күннэригэр соргулаах дьон “Сахавездеход” хампаанньа туруорбут бириистэрин ылыахтара. Маны сэргэ атын да сыаналаах бириистэр оонньонуохтара – карабиннар, саалар, булчут быһахтара, о.д.а.

Күн бүгүн билиэттэри Саха тыйаатырын, Өксөкүлээх Өлөксөй аатынан Култуура дьиэтин каассаларыттан атыылаһыахха сөп. Оттон балаҕан ыйын 1 күнүттэн Опера, балет тыйаатырыгар, “Туймаада” эргиэн комплексыгар уонна “Триумф” Спорт киинигэр атыыга тахсыахтара.

Билиэт сыаната: “А” уонна “Д” сектордарга – 500, “В” уонна “С” сектордарга – 800 солкуобай.

Роман Попов, edersaas.ru

Следите за самым важным и интересным в Telegram-канале и WhatsApp-группе ЯСИА