РФ Конституциятыгар көннөрүүлэри киллэриигэ куоластааһын иннинэ регион култуураҕа министиэристибэтэ Сүрүн сокуону сахалыы саҥарта. Бу күннэргэ видеороликтар уопсастыбаҕа анаан тарҕаннылар.
Өрөспүүбүлүкэҕэ биллэр театр уонна киинэ артыыстара дойду Сүрүн сокуонуттан быһа тардыылары икки тылынан — нууччалыы уонна сахалыы — аахтылар.
Култуура деятеллэрэ Конституция бастакы уонна иккис бастарын цитаталаатылар. Чуолаан манна Россия конституционнай тутулун сүрүнэ суруллар, маны сэргэ киһи уонна гражданин бырааба уонна көҥүлэ этиллэр.
«Саҥа Конституция улуу Россия историятын көмүскүүр, тутулуга суох буолууну бигэтитэр уонна территориялар арахсыспаттарын быһаарар, өрөспүүбүлүкэ уонна дойду айылҕатын харыстыыр, Россия статуһун биир бырааптаах норуоттарын холбоһуктарын быһыытынан бигэргэтэр, уопсай сыаннастары, быраабы уонна көҥүлү бөҕөргөтөр», – актердар санааларын эттилэр.
Миниистир Юрий Куприянов эппитинэн, роликтарга элбэх нациялаах биир сомоҕо норуот буоларбыт идеята көрдөрүллэр.
Сиһилии https://ysia.ru/konstitutsiya-zagovorila-na-yakutskom-yazyke/
