29 Кулун тутар 29.03
  • -13°
  • $ 92,26
  • 99,71

Кирилл Бычков: Судаарыстыба уонна бизнес кириисис кэмигэр биир хайысханы тутуһан үлэлииллэрэ наада

Читайте нас на
Яндекс Новости
ЯДВ

Дьоҕус уонна орто бизнес бүгүҥҥү олоххо хайдах тутуһан хаалар, онно тугу оҥоруохха, судаарыстыба предпринимателлэри хайдах өйүөҕэй? Бу туһунан Саха Өрөспүүбүлүкэтин бырабыыталыстыбатын бэрэссэдээтэлин солбуйааччы Кирилл Бычков телеэфиргэ кэпсээтэ.


«Кириисис кэмигэр быһаарыыны ылыыны түргэтэтиэхпитин наада. Эрдэттэн суоттаан-толкуйдаан сөптөөхтүк салайыныахтаахпыт», — диэтэ вице-премьер.

Кирилл Бычков санаппытынан, кулун тутарга уонна муус устарга предпринимателлэри өйүүргэ өрөспүүбүлүкэ баһылыгын ыйааҕа тахсыбыта. Чуолаан, туризм, гостиница, уопсастыбаннай ас, доруобуйа харыстабылын, култуура, сааратыы индустриятын, спорт, бытовой өҥө уонна да атын эйгэлэргэ үлэлиир тэрилтэлэргэ нолуокка преференция киллэриллибитэ.  Маны сэргэ, астааһын эйгэтигэр үлэлээччилэр судаарыстыбаннай эбэтэр муниципальнай дьиэҕэ  арендалыыр буоллахтарына, төлөбүрэ хомунаалынай өҥө таһымыгар диэри кыччатыллыбыта.

Кирилл Бычков кириисиһинэн сибээстээн “негатив” баарын эмиэ эттэ. Бу түгэҥҥэ предпринимателлэр түмсэн, бизнестэригэр болҕомтолорун ууран, бырабыыталыстыбаны кытта өйөбүл миэрэлэри ылыныыга бииргэ үлэлиэхтээхтэрин бэлиэтээтэ.

Ыарахан түгэҥҥэ, тугу-ханныгы оҥорору кыайан быһаарбат буоллахха, “Мой бизнес” кииҥҥэ 8-800-100-58-80 нүөмэргэ эрийэн консультация ылыахха сөбүн салайааччы эттэ.

Следите за самым важным и интересным в Telegram-канале и WhatsApp-группе ЯСИА