29 Кулун тутар 29.03
  • -14°
  • $ 92,26
  • 99,71

Кириэс Халдьаайыга эдэр ыаллар дьиэ тутталлар

Читайте нас на
Яндекс Новости
ЯДВ

Быйыл Томпо оройуонугар СӨ тыа хаһаайыстыбатын министиэристибэтинэн эдэр ыаллар дьиэ тутталларыгар 9 квота анаммыта. Онтон алтата Кириэс Халдьаайы олохтоохторугар тиксибитэ.


Орто оскуола үлэһиттэрэ: учууталлар Айталина Черноградская, Наталья Шаршеналиева, остолобуой сэбиэдиссэйэ Алена Атакова, суоппар Василий Кондратьев; спортзал үлэһитэ Дмитрий Колодезников уонна «Илгэ» тыа хаһаайыстыбатын кээпэрэтиибин үлэһитэ Александр Бурцев быйыл саҥа дьиэҕэ киириэхтэрэ.

Билигин көрүллэр үп аҥара бэриллэн, эдэрдэр матырыйаалларын атыылаһан, бэлэмнээн, дьиэлэрин тутта сылдьаллар. Кинилэр ортолоругар орто оскуола учуутала Айталина Черноградская уонна баһаарынай сулууспа үлэһитэ Евгений Егоров бааллар, ыал икки оҕолоох. «Маспытын эрдэ бэлэмнээбиппит. Харчыбыт аҥарын бэс ыйыгар биэрбиттэрэ. Бэйэбит өттүбүтүттэн ийэ хапытаалын туһанабыт. 9,5х9,5-тээх дьиэ аймахтар көмөлөрүнэн туттабыт. Аллараа өттүгэр уу киирбэтин диэн өрүс тааһын, кумах куппуппут, акылаатын цеменнээбиппит. Дьиэ аҥара икки этээстээх, 4 хостоох, куухуналаах, суунар сирдээх уонна туалеттаах, террасалаах буолар. Эркиннэрэ буруус. Маннык бырагыраама баарыгар нэһилиэкпит, улууспут, бырабыыталыстыбабыт салалтатыгар махтанабыт», — диир Евгений.

Следите за самым важным и интересным в Telegram-канале и WhatsApp-группе ЯСИА