VI Норуоттар икки ардыларынааҕы киинэ бэстибээлэ быйыл үгэс курдук балаҕан ыйыгар буолуохтааҕа. Бүгүн култуура министиэристибэтигэр биллэрбиттэринэн, бэстибээл эһиил кулун тутар ыйга буолуоҕа.
«Киинэ бэстибээлигэр быйыл киирбит сайаапкалары барыларын эһиилгигэ көрүөхпүт. Билигин бэлэмнэнэ сылдьабыт, чопчу күнэ-дьыла, усулуобуйата сыл саҕаланыыта биллиэҕэ«, — диир киинэ уонна искусство сайдыытын салаатын салайааччыта Ирина Энгелис.
Бэлиэтээн эттэххэ, киинэ бэстибээлэ быйылгы халаантан сылтаан көһөрүллүбүтэ.
Ыспыраапка
Дьокуускайдааҕы норуоттар икки ардыларынааҕы киинэ бэстибээлэ (Yakutsk international film festival) 2013 сылтан норуоттар култуураларын билсэр, кинематографистар уопуттарын атастаһалларын, айар үлэлэрин билиһиннэрэр сыаллаах ыытыллар. Бэстибээл бэлиэтинэн уонна сүрүн бирииһинэн “хаар” ачыкы буолар.
СИА.
This post was published on 22.08.2018 11:32 11:32