Саха сиринээҕи булт хаһаайыстыбатын департаменын инспектордара ОМОН, ИДьМ үлэһиттэрин кытта МИ-8 вертолетунан көтө сылдьан Дьокуускай, Нам, Мэҥэ Хаҥалас, Уус Алдан, Томпо, Таатта улуустарыгар булт бэрээдэгин, баһаартан куттал суох буолуутун хааччыйар сокуоннары кэһээччилэри быһаарар соруктаах рейдэлэри ыыттылар.
Тэрээһин түмүгүнэн булт быраабылатын кэһии 9 түбэлтэтин быһаардылар. Сокуону кэһээччилэргэ боротокуол толорулунна, булт 10 саатын уонна 1 маногу былдьаатылар. Бултаабыт кустара ураты харыстанар көтөрдөр ахсааннарыгар киирэр буолан, былдьаатылар.
Барылааһын ааҕыынан, кыыл-сүөл эйгэтигэр оҥоһуллубут хоромньу 619 600 солк. быһыллар. Итини таһынан инсектордар уонна ОМОН, ИДьМ үлэһиттэрэ булт уонна баһаар быраабылаларын кэһиини эрдэттэн сэрэтиигэ, булт сэбин-сэбиргэлин сэрэхтээхтик туттууга анаммыт 25 кэпсэтиһиини ыыттылар.
Ураты харыстанар көтөрдөрү бултаабыттар дьыалалара ИДЬМ бэрилиннэ.
