Саха сирин киин быыбардыыр хамыыһыйатын бэрэссэдээтэлинэн Евгений Федоров талылынна. Кистэлэҥ куоластааһын сэтинньи 17 күнүгэр буолла. Киин быыбардыыр хамыыһыйа чилиэттэрэ Евгений Федоров кандидатуратын биир санаанан өйөөтүлэр.
Евгений Федоров кандидатуратын Арассыыйа киин быыбардыыр хамыыһыйата сэтинньи 13 күнүгэр сүбэлээбит. ЦИК урукку бэрэссэдээтэлэ Алексей Ефимов Ил Дархан Айсен Николаев көрдөһүүтүнэн сэтинньи 10 күнүгэр Конституционнай суут судьуйатынан ананара быһаарыллыбыт.
Саҥа бэрэссэдээтэли видеосвязь көмөтүнэн Арассыыйа киин быыбардыыр хамыыһыйатын сэкирэтээрэ Майя Гришина эҕэрдэлээтэ.
Евгений Федоров эрдэ Ил Дархан уонна Бырабыыталыстыба дьаһалтатын салайааччытын солбуйааччытынан үлэлээбит.
