Тэлэбиидьэнньэ кэлэр сезонуттан «Саха» көрдөрөр-иһитиннэрэр хампаанньа сылга сэттэлии сериалы оҥорон таһаарыаҕа. Бу туһунан кэлэктииби кытта мунньахха Олег Марков кэпсээтэ.
Билигин сериал устар сулууспа номнуо үс сериалы бэлэмнии сылдьар. «Сүлүһүннээх таптал» сериал салгыыта бу дьыл сэтинньи ыйыгар хайыы үйэ күөх экраҥҥа тахсыаҕа. Сардаана Сивцева-Дана Сард сценарийынан “Иза уонна Лиза” диэн иккис сериал уһуллуоҕа (режиссер Саймон Сергеев). Хартыынаҕа икки эдэр кыыс тулалыыр дьону уонна аймахтарын кытары алтыһыыларын туһунан кэпсэнэр. Марина Платонова режиссердаах өссө биир «Күдээринэ күүрээн» диэн сериалы бэлэмнииллэр. Дьокуускайга уонна Хатаска билигин уста сылдьаллар.
Сериаллар «НВК Саха» ханаалга уонна хампаанньа ютубка страницатыгар көстүөхтэрэ.
This post was published on 05.09.2019 14:36 14:36