Бу күннэргэ Кэбээйи улууһун Мукучу нэһилиэгэр «Мукучу нэһилиэгэ» МТ баһылыгын бирииһигэр үһүс төгүлүн спорт умсугутуулаах көрүҥэр — бильярдка улуустааҕы тыҥааһыннаах күрэхтэһии буолан ааста. Күрэххэ Кэбээйи, Мастаах, Арыылаах, Мукучу нэһилиэктэриттэн кыттыыны ыллылар, суруйар https://www.instagram.com/dabaanmedia/.
Икки күннээх күрэх түмүгүнэн «Перспективный игрок» — Гордей Павлов, Мукучу, «Первый шар турнира» — Егор Уваровскай, Мастаах, «Шар горох» — Николай Лугинов, Кэбээйи, «Возрастной игрок» — Савва Левин, Кэбээйи, «Самый возрастной игрок» — Николай Данилов, Кэбээйи, «Быстрая партия» — Андрей Михайлов, Егор Уваровскай анал ааттары, бэлэхтэри тутан үөрүүлэрэ үксээтэ.
Финал тыҥааһыннаахтык, долгутуулаахтык, өрө күүрүүлээхтик, илин-кэлин түсүһүүлээхтик ааста. Үһүс миэстэни Кэбээйиттэн Иннокентий Иванов, Афанасий Докторов, Мукучуттан Михаил Иванов, Николай Иванов ыллылар.
Иккис миэстэ Арыылаахтан Степан Каримов, Владимир Саввинов буоллулар. Петр Афанасьев, Данил Иванов быһаарыылаах туттунуу түмүгэр кыайыы өрөгөйүн биллилэр.
Бука бары кыайыылаахтар грамоталарынан, Кубогынан, сыаналаах бириистэринэн наҕараадаланнылар уонна анал мэтээллэри түөстэригэр кэттилэр. Түмүккэ Кэбээйи улууһугар Бильярд федерациятын салайар Иннокентий Иннокентьевич Иванов тэрээһини астыммытын биллэрдэ. Мукучу нэһилиэгин «Бэргэн» бильярд кулуубугар күрэҕи санатар бэртээхэй хартыына бэлэхтээтэ.
