28 Кулун тутар 28.03
  • -11°
  • $ 92,59
  • 100,27

Күндэйэ ыччата нэһилиэгин тупсарар

11:09, 05 июля 2016
Текст:
Читайте нас на
Яндекс Новости
ЯДВ

Быйыл саас Тойбохой нэһилиэгэр ыытыллыбыт дьыалабыай оонньууга II-с миэстэни ылан, 30 тыһ. солк. суумалаах сэртипикээтинэн наҕараадаламмыт Күндэйэ ыччата «Наше село – наша гордость» бырайыактарын олоххо киллэрэн эрэллэр.


Бырайыак туһунан кэпсиир буоллахха, эдэр ыччат кыаммат-түгэммэт, элбэх оҕолоох эбэтэр кырдьаҕас ыалларга тиэргэннэрин олбуорун саҥалыы матыыптаан, тупсаҕай көстүүлээх гына оҥорон биэрэллэр. Манна олохтоохтор кирэдьииккэ киирбэккэ, ый аайы бырыһыана суох кыра сууманы төлүүр кыахтаналлар. Онон олохтоохтор бырайыагы тутатына сэҥээрбиттэрэ.

Бырайыак Нэһилиэнньэлээх пууннары тупсарыы сылыгар ананар буолан, нэһилиэктэр баһылыктара, дьокутааттар да бу бырайыагы өйөөтүлэр. Ол курдук, эдэр ыччат 30 тыһ. солк. муҥурдаммакка, бүтүн нэһилиэк ыалын олбуорун тутарга элбэх харчы наадатын өйдөөн, атын нэһилиэктэргэ холобур буолан, бырайыагы улуус нэһилиэктэрин баһылыктарыгар көмүскээбиттэрэ. Манна улуус баһылыга А.В. Григорьев 30 тыһ. солк. сууманы эбии биэрбитэ. Онтон оройуон Сэбиэтин дьокутааттара эмиэ өйүүллэрин биллэрэн 100 тыһ. солк. сууманы анаабыттара.

Бу туһунан Күндэйэ нэһилиэгин баһылыгын солбуйааччы Марианна Николаева кэпсиир:
Матырыйаалбытын Новосибирскайтан сакаастаабыппыт, оттон пиломатериалы уонна остуолбалары олохтоох ИП-лартан ылбыппыт. Олбуордары профлииһинэн уонна маһынан оҥоро сылдьабыт. Дьарыктаах буолуу сулууспатын кытары дуогабар түһэрсэн, үлэлиир ыччакка кыра хамнас төлөнүөҕэ. Билигин 2 биригээдэ үлэлиир. Быйылгы сылга 11 ыал сайаапка биэрдэ, онон бу ыаллар олбуордара оҥоһуллара былааннанар. Кэлэр сылга салгыы үлэ ыытыахпыт.

Күндэйэ нэһилиэгэ быйыл саас 4,5 мөл. солк. суумалаах Грант ылбыта. Бу күннэргэ аукцион бүтэн, 1 км 200 м суол кутулунна. Онон Портовскай уулусса толору оҥоһулунна. Маны таһынан бу уулуссаҕа уот ситимин тарда сылдьаллар.

Следите за самым важным и интересным в Telegram-канале и WhatsApp-группе ЯСИА