Бу күннэргэ Саха сирэ чулуу уолун Василий Никифоров – Күлүмнүүр төрөөбүтэ 150 сылын киэҥник бэлиэтиир.
Ыам ыйын 18 күнүгэр Саха академическэй таетрага Күлүмнүүр драматынан «Манчаары» испиктээкили көрдөрдүлэр. Биллэрин курдук, бу пьесаны 100-тэн тахса сыл аннараа өттүгэр ааптар Санкт-Петербург «Бродячая собака» арт-кулуубугар аахпыта биллэр.
Василий Никифоров-Күлүмүүр хос сиэнэ Санкт-Петербургтааҕы экономика университетын иккис кууруһун устудьуона Мария Попова «Бродячая собака» литературнай арт-кафеҕа сырытта. Үйэ аннараа өттүгэр кини хос эһэтэ манна аахпыт пьесатын оччотооҕу Россия империятын айар интеллигенцията үрдүктүк сыаналаабыта. Бу айымньы саха драматургията үөскүүрүгэр сүрүн олугу уурбута.