29 Кулун тутар 29.03
  • -11°
  • $ 92,26
  • 99,71

«Күөх төлөн» утаҕа Хадаарга, Чакырга айаннаата

14:02, 02 мая 2020
Текст:
Читайте нас на
Яндекс Новости
ЯДВ

Чурапчы улууһун Хадаар уонна Чакыр нэһилиэктэригэр күөх төлөн утаҕын тардыы от ыйыгар түмүктэниэҕэ, диэн edersaas.ru суруйар. Муниципалитет бБаһылыга Андрей Ноговицын оробуочай сырыытын түмүгэр маннык түмүк оҥоһулунна.


Газ сүрүн утаҕын Хадаар уонна Чакыр нэһилиэктэригэр тириэрдии үлэтэ Чурапчы улууһа «2020-2025 сылларга тыа сирин территорияларын кэлим сайыннарыы» судаарыстыбаннай бырагыраамаҕа кыттыытынан ыытыллар. Андрей Ноговицын тустаах нэһилиэктэр баһылыктарын уонна бэдэрээдчик тэрилтэлэр салайааччыларын кытары эбийиэккэ сылдьан, үлэ-хамнас хаамыытын билистэ.
Нэһилиэктэр баһылыктара Константин Лебедев (Чакыр), Иван Васильев (Хадаар) уонна Тарас Тарасов (Хайахсыт) күннээҕи үлэни-хамнаһы таһынан, кэскиллээх былааннарын туһунан иһитиннэрдилэр. Андрей Ноговицын Чакырга тыа хаһаайыстыбата бигэтик сайдарын бэлиэтээтэ. Хайахсыкка оскуола тутуутун бырагырааматын олоххо киллэрии саҕаламмытын билистэ, бу үлэҕэ түмсүүлээх буоларга сүбэлээтэ.

«Тыа сиригэр газтааһыны сайыннарыы» бырагыраама чэрчитинэн, 2021 сылга Дириҥҥэ, Үрүҥ Күөлгэ уонна Чурапчы сэлиэнньэтигэр бөһүөлэк иһинээҕи гаас ситимин комплекстара тутуллуохтаахтар. Ахсынньы 5 күнүгэр Ил Дархан Айсен Николаев Чурапчы сэл. Куоҕалы түөлбэтигэр газ ситимин комплексын үлэҕэ киллэрбитэ диэн улуус дьаһалтатын пресс-киинэ иһитиннэрэр.

Источник: © edersaas.ru сайтан: http://edersaas.ru/k-h-t-l-n-uta-a-hadaarga-chakyrga-ajannaata/

Следите за самым важным и интересным в Telegram-канале и WhatsApp-группе ЯСИА
Тутаах тыллар