29 Кулун тутар 29.03
  • -15°
  • $ 92,26
  • 99,71

Өймөкөөҥҥө саҥа хочуолунайы үлэлэттилэр

Читайте нас на
Яндекс Новости
ЯДВ

Өймөкөөн сэлиэнньэтигэр «Илгэ» саҥа модульнай хочуолунай үлэҕэ киирдэ. Саҥа тутуу 1991 сыллааҕы икки эргэ тутууну солбуйда уонна 500 киһи олорор нэһилиэнньэлээх пуунун итиинэн хааччыйыа.


Өймөкөөн сэлиэнньэтигэр саҥа хочуолунайы сэргэ 2 км уһуннаах теплотрасса тардылынна. Тыа сиригэр социальнай суолталаах эбийиэги үлэҕэ киллэрии үөрүүлээх быһыыга-майгыга ыытылынна.

Кыһыл лиэнтэни кырыйыыга 11 кылаас үөрэнээччитэ Аида Сукулова кыттыыны ылла. Кини бу хочуолунай аатын толкуйдааһын куонкурсун кыайыылааҕа. Кыыс толкуйдаабыт «Илгэ» диэн аатын иһин Өймөкөөннөөҥү филиал дириэктэрэ Александр Кислертэн диплом уонна бэлэх тутта.

«Өймөкөөн олохтоохторо өр күүппүт ыра санаалара туолла. Киин ититэр ситимҥэ баҕалаахтар дьиэлэрин холбоннулар», – диэтэ нэһилиэк баһылыга Павел Васильев.

«Теплоэнергосервис» тэрилтэ генеральнай директора Илья Горбунов иһитиннэрбитинэн, хочуолунай уонна теплотрасса тэрилтэ инвестиционнай бырагырааматынан тутуллубут, бырайыак сыаната – 90 мөл.солк. тахса.

Следите за самым важным и интересным в Telegram-канале и WhatsApp-группе ЯСИА