28 Кулун тутар 28.03
  • -13°
  • $ 92,26
  • 99,71

Өймөкөөн улууһугар «Bridgestone» хампаанньа эрэһиинэтин тургутуутун ыытыахтара

16:44, 04 февраля 2020
Текст:
Читайте нас на
Яндекс Новости
ЯДВ

Хотугулуу-Илиҥҥи федеральнай үнүбэрситиэт«Bridgestone» хампаанньа бэрэстэбиитэллэригэр эрэһиинэ тургутуутун Өймөкөөн улууһугар ыытар туһунан этии киллэрдэ. Бу туһунан ХИФУ пресс-сулууспата иһитиннэрэр.


Үнүбэрситиэт уонна Дьоппуон хампаанньата хайыы үйэ аҕыс сыл устата бииргэ үлэлээбиттэрин туһунан Хотугулуу-Илиҥҥи федеральнай үнүбэрситиэт ректора Анатолий Николаев бэлиэтээтэ.

«Биһиэхэ улахан чиэс буолар, Аан дойдуга биллэр «Bridgestone» хампаанньа эрэһиинэтин тургутуута биһиги үнүбэрситиэппитигэр ааһара. Дьоппуон хампаанньата Россияҕа биллэригэр уонна сайдарыгар Саха сирэ олус үчүгэй былаһаакка буолар. Өскөтүн хампаанньа эрэһиинэтэ Саха сирин тымныыларын тулуйар буоллаҕына, киниэхэ кэнники туох да куттал суоһуо суоҕа», — диэн Анатолий Николаев иһитиннэрдэ.

Ону сэргэ бэрэбиэркэ кээмэйин уларытар туһунан этии киирдэ. «Өссө үчүгэй түмүгү уонна аналитическэй көрдөрүүнү ылар туһугар Саха сирин улуустарыгар айанныахха сөп: Өймөкөөҥҥө, өрөспүүбүлүкэ соҕуруу уонна арҕаа өттүлэригэр. Онно салгын температурата Дьокуускайдааҕар отой атын. Өскөтүн биһиги бииргэ үлэлэһиибитин хабаанын кэҥэтэр буоллахпытына, географияны кэҥэтиэхтээхпит», — диэн эбэн эттэ.

Следите за самым важным и интересным в Telegram-канале и WhatsApp-группе ЯСИА