Бу күннэргэ “Триумф” спорт киинигэр Саха сирин көҥүл тустууга сүүмэрдэммит хамаандата күүстээх дьарыгы ааһар. Тохсунньу 23-26 күннэригэр Красноярскайга Иван Ярыгин аатынан норуоттар икки ардыларынааҕы Гран-при турнирыгар бэлэмнэнэллэр.


Иван Ярыгин турнирыгар бэлэмнэнии тохсунньу 3 күнүттэн буола турар.

«Быйылгы турнирга Арассыыйа спортивнай тустууга федерацията критерий таһаарда, ол быһыытынан биһиги өөрөспүүбүлүкэбититтэн түөрт уол хапсар: аан дойду Кубогын кыттыылаахтара Арыйаан Тютрин, Виктор Рассадин, Арассыыйа чөмпүйэнээтин боруонса призера Михаил Иванов, Миндиашвили турнирын кыайыылааҕа Максим Толмачев. Ону таһынан, федерацияны кытта кэпсэтэн, эбии биэс-алта киһини киллэттэрэргэ үлэни ыыта сылдьабыт. Арыый да бэлэмнээх диэбит дьоммутун, холобур, Ньургун Сергины, бырааттыы Копыловтары», — диэн Саха сирин сүүмэрдэммит хамаандатын кылаабынай тириэньэрин эбээһинэһин толорооччу Александр Оконешников dzulurgan.ru саайка иһитиннэрдэ.

Хаартыска: интэриниэттэн.

© edersaas.ru сайтан: http://edersaas.ru/yarygin-3/

0
0
comments powered by HyperComments