«Искусство кино» сурунаал BLICKK онлайн-таһаарыыны кытта Саха сирин ураты көрүүлээх алта режиссерун туһунан матырыйаал бэлэмнээтэ. Таһаарааччылар бэлиэтииллэринэн, чуолаан кинилэр саха киинэтин лидердарынан буолаллар, СИА суруйар.
Матырыйаалга хаартыскалаан, режиссердар айар үлэлэриттэн билиһиннэрэн сурулунна. Сурунаалга Дмитрий Давыдов, Степан Бурнашев, Владимир Мункуев, Михаил Лукачевский, Никита Аржаков уонна Костас Марсаан киирдилэр. Бары киинэ араас куонкурустарын бириэмийэлэрин туппуттар — регионтан саҕалаан аан дойду таһымнаах, кинилэр үлэлэрин өрөспүүбүлүкэ, Россия таһыгар тиийэ сөбүлээн көрөллөр.
