29 Кулун тутар 29.03
  • -11°
  • $ 92,26
  • 99,71

Инвестиционнай сайдыы ааҕыныстыбатын салайааччытынан Александр Кондрашин ананна

16:58, 26 июля 2018
Текст:
Читайте нас на
Яндекс Новости
ЯДВ

Саха сирин инвестиционнай сайдыытын ааҕыныстыбатын салайааччытынан Александр Кондрашин ананна. Ол туһунан тустаах ыйааҕы СӨ Ил Дарханын э.т. Айсен Николаев таһаарда.


Саҥа салайааччыны кэлэктиипкэ СӨ Бырабыыталыстыбатын бэрэссэдээтэлин э.т. Владимир Солодов билиһиннэрдэ. Александр Кондрашин урукку өттүгэр Кытайга бэрэстэбиитэлинэн уонна Уһук Илин ааҕыныстыбатын чугас сытар илиҥҥи дойдуларга инвестицияны буларга уонна тас дойдуга табаары таһаарары өйүүр хайысха салайааччытынан үлэлээбит.

М.В. Ломоносов аатынан МГУ судаарыстыбаны салайар факультетыгар, Кытай норуодунай университетыгар, Экономика үрдүкү оскуолатыгар, Джордж Вашингтон университетыгар үөрэммит.

Саха сирин инвестиционнай сайдыытын ааҕыныстыбата өрөспүүбүлүкэни Арассыыйа уонна аан дойду ырыынагар көрдөрөргө ананан тэрилиннэ. Тэрилтэ сүрүн сыала өрөспүүбүлүкэ тас дойдуларга имиджин тупсарыы, ол түмүгэр инвестиция харчытын манна киллэрии. Ааҕыныстыба урбаанньыттары, былаас толорор уорганнарын, өрөспүүбүлүкэ сайдыытын институттарын кытта бииргэ үлэлэһиэҕэ.

Марианна Тыртыкова, «Саха сирэ», edersaas.ru

Следите за самым важным и интересным в Telegram-канале и WhatsApp-группе ЯСИА